Massiv parketlər bütövlükdə bərk təbii ağaclardan hazırlanır. Massiv parketin tirləri birləşdirici profillə frezlənir. Daxili gərginliklərin çıxarılması üçün lövhənin əks tərəfində uzununa mişarlanmalı yerlər - dəliklər açılır. Massiv parket müəyyən edilmiş və uyğunlaşdırılmış uzunluqlarda olur. Massiv ağacdan döşəmələr zövq, üslub və performans üçün ənənəvi fərqləndirici əlamətdir.
Çoxqatlı parketlər üst qatı bərk ağac növlərindən ibarət olmaqla iki, üç və ya artıq qatdan ibarət olur. Çoxqatlı parketlərin daşıyıcı təbəqələri adətən iynəyarpaqlı ağaclardan, faner və ya ağaclifli lövhələrdən (HDF) hazırlanır.
Bəzən iynəyarpaqlı ağac konstruksiyalara parket lövhələri, faner konstruksiyalara isə mühəndis lövhələri deyilir.
Yüksək sıxlıqlı ağaclifli lövhələrin üzərinə qoruyucu təbəqə, dekorativ kağız, alt hissəsinə isə qoruyucu stabilləşdirici təbəqə presləyərək istehsal edilir.Laminat parketlər ağac əsaslı döşəmə örtükəri içərisində öz dözümlülüyü ilə seçilir.
Vinil döşəmələr- laminat və linoleum örtüklərinin ən yaxşı xüsusiyyətlərini özündə birləşdirən müasir, olduqca dözümlü döşəmə örtükləridir. Demək olar ki, tam nəmə davamlı olması bu örtükləri əvəzolunmaz edir.
Natural tərkibli linoleumlar və polivinixloriddən hazırlanmış rulon şəkilli örtüklər mərmər, təbii daş, modern beton, müxtəlif ağac və s. görünüşü ilə xəstəxanalar, ofislər, təhsil müəssisələri və digər iş yerləri üçün ən uyğun seçimdir.
Xalı örtükləri məkanınıza doğmalıq və istilik veməklə yanaşı, ən geniş dizayn və rəng çeşidliliyi əldə etmək imkanı verir.
Taftinq, axminister, wilton toxunuşa malik həm ev, həm otel, həmçinin də iş yerləri üçün xalılar zövqlü görüntü verir.
Xalılar həm rulon, həm də plitə şəkilli olaraq istifadə olunur.
Müasir iş yerlərində rabitə, elektrik, su və digər xəttlərin çəkilməsi artıq məkanınızın dizaynını və görüntüsü poza bilməz. Əlbəttə, əgər siz yüksəldilmiş döşəmələrdən istifadə etmisinizsə...
Döşəmə örtüklərinin montajı zamanı tamamlama işləri üçün haşiyələr-plintuslar, döşəmə profilləri, müxtəlif altlıqlar və s. kimi aksessuarlar istifadə olunur. Təqdim etdiyimiz orijinal aksesuarlar döşəmənizdən daha uzun müddət həzz almanızı təmin edir. Döşəmənin keyfiyyəti, təkcə döşəmə örtüyünün deyil, həmçinin istifadə edilmiş aksessuarların keyfiyyəti ilə də əlaqədardır.
Döşəmə örtüklərinin quraşdırılması, onların təmizlənməsi və onlara gündəlik qulluq göstərilməsi üçün seçilən kimyəvi vasitələrin keyfiyyəti döşəmə örtüklərinin xidmət müddətini təyin edir.
Döşəmələrin quraşdırılması üçün astarlar, yapışqanlar, dolğular, cilalar və yağlar istifadə olunur.
Professional qulluq və təmizlik vasitələrinin istifadəsi döşəmə örtüklərinizi hər zaman təzə və təravətli saxlamağa imkan verir.
Eksteriyerinizdə təbii ağac materiallarının istifadəsi məkanınızı təbiətin ayrılmaz hissəsinə çevirir. Termik emal edilmiş göyrüş və şam ağacları, həmçinin yağlı ağac növlərindən tik, iroko, ipe, bangkirai və s. kimi ağac növləri bu məqsədlər üçün uyğundur.
Terraslar və basseyn kənarı sahələrdə təbii ağacdan istifadə edilkdə, zərif görünüşü ilə bərabər həm də komfort yaradılır. Təbii ağacdan hazırlanmış fasadlar gözəlliyi və eleqantlılığı ilə seçilir